Denboraldiko lehen garaipena lortu zuen Aroa Saezek Azkoitian jokatutako lasterketan, alebin mailan. Saezek beste bi probetan ere zapaldu du podiuma denboraldi honetan, birritan sailkatu baita hirugarren postuan, Mendaron martxoan jokatu zuten lasterketan lehenik, eta Bergaran maiatzaren hasieran jokatu zuten proban gero.
Infantil mutilen mailan lehiatu zen Eneko Ortegak bigarren postua lort zuen Azkoitian, Bergarako lasterketan lortu zuen postu berbera, hain justu ere. Lagun Taldeko arduradunak pozik daude txirrindulari gaztetxoenak izaten ari diren bilakaerarekin. "Txirrindulari guztiak aritu ziren ondo Azkoitian, Aroa eta Eneko gehiago nabarmendu arren. Denboraldi honetan une gozoak bizitzen ari gara txirrindulariokin, harro gaude taldeaz", adierazi dute.
∞Lotura duten albisteak:
- Haimar Etxeberriak irabazi zuen 27. Elgoibarko Lagun Taldea Saria txirrindulari lasterketa (2019-05-07)
- Elgoibarko Lagun Taldeako Aroa Saez txirrindulari gazteak hirugarren egin du Mendaron (2019-03-23)
- Xabier Berasategi gailendu zen Elgoibar Hiria Saria txirrindulari lasterketan (2018-04-10)
- Aimar Erostarbe txirrindulari oñatiarrak irabazi zuen kadete mailako Elgoibarko Lagun Taldea Saria (2018-03-13)
- Mintxetan hasi eta bukatuko da estreinakoz kadeteen txirrindulari lasterketa (2018-03-07)