Udako Kirol Campusaz gainera, Elgoibarko Udal Kirol Patronatuak haur eta gazteei zuzendutako kirol eskaintza zabala prestatu du aurten ere udarako, herriko gazteen aisialdia sustatzen jarraitzeko helburuarekin.
Aerobik Txiki (6-10 urte), Zumba-Krosfit gazteak (11-16 urte), Spinning gaztea (11-16 urte) edo Igeriketa ikastaroetan parte hartzea nahi dutenek, ekainaren 18ra arte eman dezakete izena Olaizaga kiroldegian edota Mintxetan. Igeriketa ikastaroan helduek ere izango dute parte hartzeko aukera.