Era guztietako kirolak praktikatzen dira Elgoibarren, baina boxeoa ez da horietako bat. Kirol hau gertutik eta barrutik ezagutzeko aukera izan dute gaur IMH kiroldegian eman duten boxeo ikastaroan parte hartu duten 50 bat inguru lagunek.
Ixa Rodriguez boxeolari profesionalak eta Josu Lopategi boxeo entrenatzaileak eman duten boxeo ikastaroan 30 bat neska-mutilek eta hamabost helduk hartu dute parte. Boxeoa zer den eta nola praktikatzen den ikasi dute. Amaieran, erakustaldi txiki bat ere eman du Ixa Rodriguezek.
