Ander Iñarra eta Maite Maiorak irabazi dute Kilimon Trail mendi lasterketa

Arrakastatsua izan da beste behin Kilimon Trail lasterketa. Eguraldiak ere ateri eutsi dio lasterketa bukatu arte, eta jendetza batu da herrian korrikalariak ikusteko. Lasterketa luzean, marka ezarri zuen iaz Bartlomei Przedwojewski poloniarrak, Zegama-Aizkorriko maratoian hirugarren sailkatu zen gizonak. Bi orduren azpitik egin zuen poloniarrak (1:54), eta berea izaten jarraitzen du markak, 2:02:51ko denbora egin duelako gaur azkarrenak: Ander Iñarrak. Imanol Larrañaga sartu da atzetik helmugan, bi minutu eskasera, eta Kepa Vallejo sailkatu da hirugarren, 2:05:19ko denborarekin. Emakumezkoetan, ez da ezustekorik izan, eta Maite Maiora mendaroarra gailendu da, aise. Maiorak 2:26:58ko denbora egin du, eta hamahiru minutura sartu da helmugan bigarrena, Nerea Amilibia (2:39:10). 48 urterekin, sasoi betean dagoela erakutsi du Amilibiak, ehundik gora txapel aspaldi eskuratuak dituen korrikalari aiarrak. Hirugarren Garazi Sampedrok egin du, 2:49:46ko denborarekin. 

Ibilbide motzak, berriz, 11 kilometro pasatxo zituen eta ordubeteko baino gutxiago behar izan du Gontzal Murgoitiok (0:49:05) osatzeko. Haren atzetik sartu dira helmugan Iñaki Hormaetxe (050:45) eta iazko irabazlea, Zohiartze Moral (050:51). Lehenengo emakumea, berriz, Maria Gonzalez izan da. 1:01:26 minutu behar izan ditu Gonzalezek ibilbidea osatzeko. Haren atzetik sartu dira helmugan Cristina Villalobos (1.03:15) eta Mari Carmen Seijas mendaroarra (1:04:49). 

• SAILKAPENAK IX. Kilimon Trail lasterketa