Mintxeta Atletismo Taldeak jakinarazi duenez, 26 argazki aurkeztu dira Mugertza krosari buruzko bosgarren lehiaketara, iazko lehiaketara aurkeztutako argazki kopurua errepikatu da, alegia. Lehiaketara aurkeztutako argazki guztiak Tantaka taberna egon dira ikusgai hilabetez, eta argazki gustukoenari botoa emateko aukera izan dute herritarrek. Epaimahaiak Carlos Mediavilla urretxuarrak aurkeztutako 'Onena II' izeneko argazkiari eman dio lehen saria. Gizonezkoen lasterketa irabazi zuen Rhonex Kipruto ageri da zuri-beltzeko argazkian. Argazkiaren "argitasuna, uniformetasuna ikuspuntua" goraipatu ditu epaimahaiak. Luis Epelde azkoitiarrak irabazi du bigarren saria, Nekea izeneko argazkiagatik. Javier Quiros beasaindarrarentzat izan da Herritarren Saria, Salida argazkiagatik.
Krosak dituen koloreak eta ikusgarritasuna jaso dutela argazkietan nabarmendu dute argazki lehiaketako antolatzaileek.
∞Lotura duten albisteak:
- Vicente Guineak irabazi du Mugertza krosari buruzko argazki lehiaketa (2018-05-03)
- Borja de Miguelek irabazi du Juan Mugertza kroseko argazki lehiaketa (2017-04-25)
- Miguel Angel Ceberio errenteriarrak irabazi du Mugertza kroseko argazki lehiaketa (2016-04-11)
-
Bigarrenari ateratako argazkiarekin lortu du lehen saria Felix Morquechok (2015-04-01)