Hamar bikotek hartu dute parte guztira. Txapelketa birtuala da, hau da, aurkariak ez dute aurrez aurre jokatzen. Amestik eta Burunzak Gabaz aretoan dagoen makinan jokatzen dute. Garaipen honekin Espainiako txapelketa jokatzeko sailkatu dira, eta horretan dihardute orain. Binaka, banaka eta taldeka jokatzen ari dira Espainiako txapelketa, eta kasu honetan egongo da aurrez aurre jokatzeko jardunaldi bat: azaroan izango da, Galizian.
Elgoibarren zazpina laguneko bi dardo talde daude, bata Gabaz eta bestea Derry tabernan. Aste honetan Otzak tabernan jarri dute dardo makina, eta arduradunek jendea animatu nahi dute dardoetan jokatzera.
∞Lotura duten albisteak:
- Jurgi Casadok brontzezko domina lortu du Espainiako dardo txapelketan, 16 urtez azpikoetan (2018-09-18)
