Elgoibarko taldeko alebin igerilariek KZL txapelketako hirugarren jardunaldian hartu zuten parte, Oñatiko Zubikoa igerilekuan. Denek primeran pasa zutela azaldu dute taldeko arduradunek, eta igerilari batzuek lorturiko denborak eta postuak nabarmendu dituzte. Eneko Pastorrek bigarren postua lortu zuen 50 metroko lasterketan, krol estiloan, 33,59ko denbora eginda. Paula Calvok seigarren egin zuen 100 metroko bular estiloko lasterketan (1:55), eta Liher Juaristi zazpigarren postuan sailkatu zen 50 metroko bular estiloko proban (1:01).Egun berean lehiatu ziren alebin mailan diharduten igerilariak ere, Eibarren baina. Ligako bosgarren jardunaldian hartu zuten parte. Elgoibar Igeriketa Taldeko Jon Dominguezek laugarren postua eskuratu zuen 1.500 metroko proban, 24 minutu, 42 segundo eta 92 ehuneko denbora eginda.