Aiala Zarautz, Kukullaga-Etxebarri, Super Amara Bera-Bera eta Zuazo taldeak lehiatuko dira Elgoibarren jokatuko den Euskal Kopan.
Gaur goizean aurkeztu dute txapelketa udaletxean, eta aurkezpenean parte hartu dute, Ane Beitia alkateak, Gorka Garaizabal Kirol zinegotziak, Ernesto Rodríguez Sanloko zuzendariordeak eta Jose Manuel Ruiz de Cenzano Euskadiko Eskubaloi Federazioko lehendakariak. Eskubaloiko Euskadi Kopak hainbat antolatzaile eta laguntzaile ditu: Elgoibarko Udala, Sanlo Eskubaloi Taldea, Euskadiko Eskubaloi Federazioa, Basque Team, Rasán, Lasshoa eta Viña Pomal.
Aurkezpenean jakinarazi dutenez, streaming bidez zuzenean emango dituzte partida guztiak Euskal Eskubaloi Federazioaren web orrian: www.fvascabm.com. Olaizagako harmailetatik ikusi nahiago dutenek bost euroan erosi ahal izango dituzte sarrerak. 8 eta 14 urte artekoentzako prezioa bi eurokoa izango da.
Hona Olaizagan jokatuko duten 2019ko Euskal Kopako partiden egutegia eta ordutegia:
• Martxoak 23, zapatua (Finalerdiak)
- 17:45 Aiala Zarautz ZKE– Zuazo HGB-Prosetecnisa BM.
- 19:30 Kukullaga Etxebarri– Super Amara Bera Bera
• Martxoak 24, domeka
- 10:30 FINALA
∞Lotura duten albisteak:
- Euskal Kopako lauko finala Elgoibarren jokatuko dute aurten ere (2019-03-15)
- Zuazok gol bateko aldeaz irabazi dio finala Bera Berari, emozio handiko amaieran (2017-12-23)
- Zuazok eta Bera Berak jokatuko dute Euskal Kopako finala, Olaizaga kiroldegian (2017-12-23)
- Eskubaloi Kopako Lauko Finala Elgoibarren jokatuko da abenduaren 22an eta 23an (2017-12-13)