Alberdi II eta Apezetxea bikoteak lortu zuen finalerako txartela promesa mailan. Hala, iaz lortu zuten garaipena errepikatzeko aukera izango dute urtarrilaren 18an jokatuko den finalean. Unai Alberdik eta Antton Apezetxeak 15 tantoan laga zituzten Osa eta Ibarloza, finalerdietako partidan. Barixakuan (urtarrilak 11) jokatuko dira finalerdiuetako beste bi partidak, 22:00etatik aurrera. Promesetan De La Fuentek eta Olidenek Etxaniz eta Gartzia izango dituzte aurkari.
Nagusien mailan, berriz, Labakak eta Telletxeak osatutako bikoteak lortu zuen finalerako txartela aurreko barixakuan, Egigureni eta Balerdiri 22 eta 15 irabazita. Bigarren finalerdian Astiz eta Gaskue Salaberriaren eta Bikuñaren aurka arituko dira, promesen arteko neurketa jokatu eta gero.