Ezker Hormako Kluben Arteko Gipuzkoako Txapelketako hainbat final jokatu dituzte joan den asteburuan. Gizonezkoen gomazko paletako lehiak Zarautzko Aritzbatalde pilotalekuan jokatu zituzten, nagusien 3., 2. eta 1. mailetako finalak, hain justu ere. Kepa Arrizabalagak eta Gorka Lizarraldek osatutako bikotea 2. mailako finalean lehiatu zen. Etxeko palista bikotea izan zuten aurkari, Zabalak eta Azpeitiak osatutakoa. Final orekatua jokatu zuten arren, zarauztarrak ailegatu ziren lehenago 25. tantora, eta 23-25 irabazi zieten elgoibartarrei. Finala galdu izanak lagatako zapore mingotsa gozatzeko badituzte baina arrazoiak Lizarraldek eta Arrizabalagak, Gipuzkoako hurrengo txapelketa maila gorenean, Lehen Mailan, jokatuko baitute.
22 urtez azpikoen Gipuzkoako Txapelketan parte hartzen diharduen Lagunak taldeko bikoteak ere ez zuen zorterik izan eta galdu egin zuen partida bakarrera Ikastolako frontoiabn jokatu zuten finalaurrekoa. Aranberri azpeitiarrak eta Iker Odria elgoibartarrak osatutako bikoteak 15 eta 25 galdu zuen Alcortaren eta Ponceren aurkako kanporaketa.
*Argazki gehiago: zarauzkohitza.eus
∞ Lotura duten albisteak:
- Sari bikoitza Arrizabalaga eta Lizarralderentzat, finalerako sailkapena eta Lehen Mailan jokatzeko txartela (2018-11-20)
- Arrizabalaga eta Lizarralde elgoibartarrak irabazle Euskal Herriko Pala Txapelketa Irekian (2018-05-22)
- Elgoibarko palistak Herriartekotik kanpo, tantoen aldeagatik (2018-05-21)
- Kepa Arrizabalagak irabazi du Udaberri Saria Xabi Garalderekin bikotea osatuz (2018-03-21)
- Beñat Arrizabalaga eta Ander Conde Gipuzkoako txapeldun gomazko paleta txapelketan (2017-12-04)
- Hirugarren txapela Irusta eta Arrizabalagarentzat bikote mistoen pala txapelketan (2017-10-28)