Nazioarteko Danobat Irekiaren estreinako edizioak lagatako aho zapore onaren ostean, beste erronka berri bat hasiko dute gaur Zubi Ondo Xake taldeko kideek. 2.200 elo azpiko Danobat Irekia hasiko da gaur, 18:45ean, Elgoibarko Kultur Etxeko sotoan. Xakean federatutako jokalarientzako txapelketa da honakoa eta 31 lagunek eman dute izena lehen edizio honetan (ikus hemen parte hartzaileak). Izena emandakoen artean daude Zubi Ondo taldeko bederatzi kide.
Antolatzaileek xake munduan murgiltzen hasi nahi dutenei erraztasunak eman nahi dizkiete txapelketa hau antolatuta. Hori dela-eta doakoa izan da izenematea eta asteburuetan beharrean eguenetan jokatuko dituzte partidak. Izan ere, xake txapelketa ofizialak Donostian jokatzen dira Gipuzkoan, zapatuetan, eta 40 euro balio du izen emateak.
2.200 elo azpiko Danobat Irekian zazpi txandatan lehiatuko dira xakelariak. Gaur jokatuko da aurrenekoa eta abenduaren 13an jokatuko dute azkena. 19:00etatik aurrera jokatuko dira txanda guztiak.
Informazio osoagoa eta txapelketaren jarraipena egiteko: info64.org
∞ Lotura duten albisteak:
- Jaime Santos xakelari leondarra gailendu da estreinako Nazioarteko Danobat Irekian (2018-09-23)
- 66 xakelarik hartuko dute parte estreinako Nazioarteko Danobat Irekian (2018-09-20)
- Xakelari profesionalak eta afizionatuak batuko ditu Elgoibarren Nazioarteko Danobat irekiak (2018-09-04)
