June Loidik jubenil mailako Munduko Eskubaloi txapelketa jokatu zuen Espainiako selekzioarekin, abuztuan, Polonian. Espainiako taldeak zortzigarren postuan amaitu zuen Munduko txapelketa. Orain, senior emakumezkoen taldeko hautatzailearen deia jaso du jokalari elgoibartarrak. 2021ean Espainian jokatuko den Munduko Eskubaloi Txapelketa jokatzeko aukerak izan ditzaketen jokalari gazteenekin lan egin nahi du Carlos Viverrek, eta hamasei jokalari deitu zituen Madrilgo Pinto herrian, irailaren 16tik 20ra, egin zuten kontzentrazioan parte hartzera. Hamasei jokalarien artean gazteenetarikoa izan da Loidi.
Hotel Gran Bilbao Prosetecnisa Zuazo Barakaldoko taldean jokatzen du aurten Loidik, Sanlok utzita, Espainiako Ohorezko Mailan (Liga Guerreras Iberdrola). Ligan jokatu dituzten hiru partidetatik bi irabazi dituzte momentuz.
• Julen Urruzola Sierra Nevadan
2002 eta 2003 urteetan jaiotako 71 eskubaloi jokalari deitu ditu Espainiako Eskubaloi Federazioak Sierra Nevadako errendimendu handiko zentroan egiten diharduten kontzentrazioan parte hartzera, eta horien artean da Julen Urruzola Pagazartundua (Elgoibar, 2002). Sanlo eskubaloi taldeko jokalaria aurrez ere deitu izan dute promesa mailako Espainiako Eskubaloi Selekzioarekin jokatzeko. Oraingoan Sierra Nevadan (Granada, Espainia) dagoen errendimendu handiko zentroan egingo dituzten entrenamendu saioetan aritzeko deitu du Espainiako Eskubaloi Federazioak. Joan den irailaren 19an hasi zuten kontzentrazioa eta eguazten honetan amaituko da.
∞Lotura duten albisteak:
- Barakaldoko Zuazo eskubaloi taldean jokatuko du June Loidi elgoibartarrak (2018-06-18)
- Igor Lizarralde urteko entrenatzailerik onena izendatu du Gipuzkoako Eskubaloi Federazioak (2018-06-15)
- Nahia Legorburu eta June Loidi Emakumezkoen Euskal Selekzio nagusiaren deialdian (2018-06-07)
-
June Loidik Munduko Eskubaloi Txapelketa jokatuko du Espainarekin Polonian (2018-05-29)
- "Espainiako Txapelketa batetako finalerdietara sailkatu den Sanloko lehen taldea gara eta oso pozik gaude" (2018-05-07)
- June Loidi Espainiako eskubaloi selekzioaren deialdian (2018-02-22)
- Asier Urain Espainiako eskubaloi selekziora deitu dute (2018-02-06)
- Sanloko jokalariek Euskadiko selekzioekin Espainiako Txapelketan lortutako emaitzak (2018-01-10)
- Espainiako selekzioaren deia jaso du Sanloko jokalari Julen Urruzolak (2017-11-28)
- June Loidi eta Asier Urain Euskadiko jokalari onenak (2017-05-31)
- June Loidi eta Asier Urain Euskadiko eskubaloi jokalari onenak izateko izendatuen artean (2017-05-17)
- Suediak Espainia kanporatu du eta amaitu da munduko txapelketa Nora Kortaberriarentzat (2016-07-11)
- Espainiako eskubaloi selekzioaren deia jaso dute June Loidik eta Julen Urruzolak (2016-06-16)
- Espainiako selekzioak June Loidi eskubaloi jokalaria deitu du (2015-10-28)