Kirolak

barren.eus-logoa

Tokikom

 

 
 

2018 07 26 2018 04 15 deca sanlo espainiako txap olaizaga elgoibarSanloko jokalari Asier Urain fitxatu du Zilarrezko Ohorezko Mailan diharduen Vestas Balonmano Alarcos Ciudad Realeko eskubaloi taldeak. Mantxakoek Asobal Ligarako igoerako fasea jokatu dute aurten, azkenean igoerarik gabe gelditu baziren ere.

Sanlo eskubaloi taldea egiten ari den lanari adi daude talde handiak. Alegia, Sanlon nabarmenduz gero, jokalariek zabalik dituzte goi mailan lehiatzeko ateak. Asobal Ligara joan ziren Sanlotik Imanol Garciandia edo Ander Iriarte, Alcorta senior taldetik biak. Baina, Sanloko behe mailetan diharduten jokalarien ibilbideak ere jarraitzen dituzte eliteko taldeek. Jubeniletatik Zuazora egin berri du jauzia June Loidik, eta antzerako bidea jarraituko du Asier Urainek ere. 18 urteko jokalariak bi urterako kontratua sinatu berri du Vestas Balonmano Alarcos taldearekin, Sanlo eta Ciudad Realeko taldea adostasun batera ailegatu eta gero.

June Loidi moduan, Asier Urain ere behe mailetako Espainiako selekzioen deialdietan izan da behin baino gehiagotan. Gainera, 2017an Euskadiko jokalari onenak izendatu zituzten bata zein bestea. Urainek Sanloko Deca taldearekin jokatu du azken denboraldian eta jubenil mailako Espainiako Eskubaloi Txapelketako Lauko Finalerako sailkatu ziren. Olaizaga kiroldegian jokatu zen txapelketa eta laugarren egin zuten elgoibartarrek.
• Asobalera igotzea helburu
Urainen talde berriak, Vestas Balonmano Alarcos taldeak, Asobal ligara igotzea izango du helburu datorren denboraldian, aurten gutxigatik lortu ez duten helburua, igoerarako kanporaketak jokatzera ailegatu baitziren. Mantxako taldeak jakinarazi duenez, taldea laga duen Jorge Mestre gazteak ezker hegaleko postuan lagatako hutsunea betetzeko fitxatu dute Urain. Taldeko kapitaina den Brian Negreterekin partekatuko du Urainek ezker hegaleko postua.

2018 07 26 2018 04 15 deca elgoibar espainia txap asier urain aitorSanloko presidente Aitor Urainen semea da Asier. Argazkian aita-semeak, Espainiako Txapelketakio Lauko Finalean, Olaizagan, jokalari onena izendatu zutenean. Arg: BARREN.

BARREN 25 urte

BARREN 25 urte

GUREAN.EUS

 

Gida komertziala

Gida komertziala 2018

Elgoibarko Izarra

elgoibarkoizarra-logoa-irudia

Bideoak

Barren astekaria

ePosta harpidetza