June Loidik jubeniletatik seniorretara egingo duen jauzia ez da edonolakoa izango, emakumeen eskubaloian goreneko mailan ari den Barakaldoko Zuazo taldeak fitxatu fitxatu baitu hegaleko elgoibartarra. Sanlo kirol taldeak jakinarazi duenez, C.B Zuazorekin akordioa sinatu dute eta Loidik lagata jokatuko ditu Zuazon hurrengo lau denboraldiak. Sanlok zorterik onena opatu dio Loidiri, "bai profesionalki eta bai pertsonalki" Barakaldon hasiko duen ibilbide berrirako.
• Denboraldi aparta
Zuazorekin hasi baino lehen beste erronka handi bat izango du June Loidik, jubenil mailako Munduko Txapelketan parte hartuko baitu Espainiako selekzioarekin. Polonian jokatuko dute Munduko Txapelketa, abuztuan. Senior mailako Euskadiko Eskubaloi selekzioak ere deitu zuen Loidi orain gutxi, Nahia Legorburu taldekidearekin batera, biak Tecnifuelleko jokalariak. Erraz ahaztuko ez duen denboraldia izan da June Loidirentzat. Espainiako Txapelketako Zortziko finala jokatzera ailegatu zen Tecnifuellerekin. Gero, Espainiako eta Euskadiko selekzioen deia jaso zuen, eta orain elitean lehiatzeko aukera izango du datorren sasoian.
Zuazo talde indartsua eta gaztea osatzen ari da datorren denboraldirako, orain arteko kapitain Oihane Gilek eta Patri Elorza moduko jokalariek taldea eta eskubaloia laga berri baitute. Hori dela-eta, jokalari gazteenei kontratua berritu eta beste hainbat fitxatzen ari dira, besteak beste, Sladjana Perazic Montenegroko jokalaria, Ana Encina legazpiarra, Anne Erauskin ermuarra edo Kordobako jokalari Alba Sanchez fitxatu dituzte.
Amaitu den denboraldian zazpigarren postuan amaitu du Zuazok Espainiako Ohorezko mailako Liga Txapelketa (Liga Guerreras Iberdrola). Donostiako Bera Bera taldeak irabazi zuen Liga txapelketa, bosgarrengoz.
∞Lotura duten albisteak:
- Igor Lizarralde urteko entrenatzailerik onena izendatu du Gipuzkoako Eskubaloi Federazioak (2018-06-15)
- Nahia Legorburu eta June Loidi Emakumezkoen Euskal Selekzio nagusiaren deialdian (2018-06-07)
-
June Loidik Munduko Eskubaloi Txapelketa jokatuko du Espainarekin Polonian (2018-05-29)
- "Espainiako Txapelketa batetako finalerdietara sailkatu den Sanloko lehen taldea gara eta oso pozik gaude" (2018-05-07)
- June Loidi Espainiako eskubaloi selekzioaren deialdian (2018-02-22)
- Asier Urain Espainiako eskubaloi selekziora deitu dute (2018-02-06)
- Sanloko jokalariek Euskadiko selekzioekin Espainiako Txapelketan lortutako emaitzak (2018-01-10)
- June Loidi eta Asier Urain Euskadiko jokalari onenak (2017-05-31)
- June Loidi eta Asier Urain Euskadiko eskubaloi jokalari onenak izateko izendatuen artean (2017-05-17)
- Suediak Espainia kanporatu du eta amaitu da munduko txapelketa Nora Kortaberriarentzat (2016-07-11)
- Espainiako eskubaloi selekzioaren deia jaso dute June Loidik eta Julen Urruzolak (2016-06-16)
- Espainiako selekzioak June Loidi eskubaloi jokalaria deitu du (2015-10-28)