Soraluzeko San Andres bolatokian jokatu zen seigarren jardunaldian Lastur taldeko Luis Guenaga gailendu zen, 9 txirlo botata. Gorka Etxaniz azkoitiarrak hirugarren postua eskuratu zuen, honek ere 9 txirlo botata. Emaitza horrekin gainera, aurrea hartu dio sailkapen nagusiko liderra zen Unai Loiola elgoibartarrari. Gainerako bolari elgoibartarrek moduan, Loiolak ez zuen bere mailarik onena eman San Andresen.
Gorka Etxanizek 30 puntu ditu sailkapen nagusian eta bigarren postuan dago orain San Migel taldeko Unai Loiola, 28 punturekin. Taldekideak baino puntu bat gutxiago du Xabier Loiola elgoibartarrak. Hala, San Migel taldeko bi bolariak ondo kokatuta ailegatuko dira etxean jokatuko duten tiraldira. 17:00etan hasiko da Aiastiako saioa.
∞Lotura duten albisteak:
- Bolari azkoitiarrak nagusi Idotorbeko tiraldian, baina Unai Loiolak jarraitzen du lidergoan (2018-04-23)
