Kirolak

barren.eus-logoa

Tokikom

 

 
 

Tecnifuelle sanlo imhn pose elgoibar borrokalariakTecnifuelle eskubaloi taldeak 23na berdindu du Malkaitz taldearen aurkako partida, eta honenbestez elgoibartarrek irabazi dute asteburuan Burlatan jokatu duten Espainiako Eskubaloi Txapelketako bigarren faseko sektorea. Espainiako zortzi talde onenak lehiatuko dira azken fasean. Jubenil mutilen Deca taldeak, berriz, laugarren postua eskuratu du Elgoibarren jokatu duten fasean.

Tecnifuellek nagusitasunez irabazi zituen Burlatan jokatu duten Lauko Finaleko lehen bi partidak. Barixakuan jokatutako partidan 25-20 irabazi zieten Bartzelonako Sant Vicenc taldeari. Zapatuan, berriz, Kanarietako Caima taldeari irabazi zion Tecnifuellek, 27-15. Hirugarren eta azken partida jokatu dute gaur goizean Elizgibela kiroldegian. Etxeko taldea, Malkaitz, izan dute aurkari. Nafarrak ziren, hain justu ere, sektorea irabazteko aukerak zituen beste taldea, garaipen bat eta berdinketa bat lortuta ailegatu baitira partida erabakiorrera. Bi goleko errenta (12-14) eraman dute elgoibartarrek atsedenaldira, baina lehia estu baten ostean, azken segundoetan erabaki da sektoreko irabazlea zein izan den. Berdinduta amaitu dute neurketa (23-23). Emaitza horri eta aurrekoei esker bost puntu batu dituzte elgoibartarrek eta lau nafarrek. Sant Vicenc taldea sailkatu da hirugarren hiru punturekin, eta Caima kanariarrak laugarren punturik irabazi gabe. Tecnifuellek Espainiako Eskubaloi Txapelketako jubenil nesken azken fasea jokatzeko sailkatzea lortu du. Zortzi talde lehiatuko dira azken fase horretan

• Bartzelona jaun eta jabe Elgoibarko Lauko Finalean

Sanlok antolatuko du Espainiako Eskubaloi Txapelketako jubenil mutilen Lauko Finaletako bat. Hala, Deca Elgoibar taldeak Barcelona Lassa, Zaragozako B.M. Dominicos eta Logroñoko Knet Calasancio taldeen aurka jokatuko du Olaizaga kiroldegian, barixakutik domekara bitartean. Bartzelona zen Elgoibarko sektorea irabazteko faborito nagusia eta kataluniarrek pronostikoak bete dituzte. Sekulako taldea duela erakutsi du Barcelona Lassak Elgoibarren. Jokalari garaiak eta gorpuzkera sendokoak dituzte, eskubaloian jokatzeko ezin aproposagoak, eta defentsan baliatu dute fisikoan zuten abantaila. Gainera, defentsari esker lapurtutako baloi denak edo ia denak gol bihurtu dituzte kontra eraso azkar eta eraginkorretan. Olaizagan jokatu dituzten hiru partidetan gehien errepikatu duten jokaldia izan da. Halaxe izan da gaur ere, etxeko taldearen aurka, Deca Elgoibarren aurka jokatu duten partidan. Lehen minutuetan ondo eutsi dio eronkari Decak, baina kataluniarren defentsa nagusitzen joan ahala etorri dira kontraerasoak eta markagailuan alde egin dute blaugranek. Atsedenaldira 9-19ko emaitzarekin ailegatu dira. Bigarren zatia orekatuagoa izan da. Erasoan gehiago asmatu dute elgoibartarrek eta bide batez kontraerasoen iturria itxi. Hala, 9-13koa izan da bigarren zatiko partziala, eta 18-32 azken emaitza.

Asier Urain jokalari onena

Bartzelonak Elgoibarren jokatutako hiru partidak irabazi ditu eta sei puntu eskuratu. Zaragozako Dominicos taldea sailkatu da bigarren postuan hiru punturekin eta Errioxako Knet Calasancio hirugarren postuan, hauek ere hiru punturekin. Decak jokatutako hiru partidak galdu ditu. Lehen partidan izan zituen Calasancioren aurkako partida irabazteko aukerak, baina gol bateko aldeaz galdu zuten. Hori bai, Lauko Finaleko jokalari onenaren saria Decako Asier Urainentzat izan da.

deca elgoibar espainia txap bartzelona txap

2018 04 15 deca elgoibar espainia txap asier urain aitor

deca sanlo espainiako txap olaizaga elgoibar

deca sanlo espainiako txap olaizaga elgoibar heg1

deca sanlo espainiako txap olaizaga elgoibar heg

deca sanlo espainiako txap olaizaga elgoibar blo

deca sanlo espainiako txap olaizaga elgoibar barza

deca sanlo espainiako txap olaizaga elgoibar pub

deca sanlo espainiako txap olaizaga elgoibar pun1

deca elgoibar espainia txap danak

deca elgoibar espainia txap amaieran

deca elgoibar espainia txap calasancio 3

deca elgoibar espainia txap dominicos

∞Lotura duten albisteak:

kamisetak salgai

BARREN 25 urte

BARREN 25 urte

GUREAN.EUS

 

Gida komertziala

Gida komertziala 2018

Elgoibarko Izarra

elgoibarkoizarra-logoa-irudia

Bideoak

Barren astekaria

ePosta harpidetza