Estreinakoz egin dute gala hau Euskal Herrian, ANOCek Mugertza krosaren 75. urteurrenarekin bat egin nahi izan baitu. Gala Elgoibarrera ekartzeaz gainera, aurtengo sari berezia (ANOC Sari Berezia) ere Mugertza krosari ematea erabaki du kros antolatzaileen elkarteak. Hamahiru krosek osatzen dute ANOCen egutegia eta horietatik hiru euskal lurretan jokatzen dira: Amorebieta, Donostia eta Elgoibarkoa. Mugertza krosa da, gainera, Atapuercako krosarekin eta Sevillan jokatzen den Italicakoarekin batera, aurten IAAF kategoria izan duen hiru krosetako bat. Aipaturiko krosetan gertatutakoaren laburpena egin ostean, horietan nabarmendu diren atletak saritu dituzte Herriko Antzokian egin duten denboraldi amaierako krosaren galan.
Hona Galan banatu dituzten sariak eta sarituak:
- Atleta Handiaren Saria: CORO FUENTES
- Entrenatzaile Handiaren Saria: GERARDO CISNEROS (*Mariano Harok jaso zuen Cisnerosentzako saria)
- Antono Rodriguez Saria: JUAN LUCAS DE LA FUENTE
- Telebistaren Saria: EUSKAL TELEBISTA
- Komunikatzailearen Saria: WANG CONNECTION (Ikusi hemen Mugertza krosari buruz egin zuen bideoa)
- ANOC Sari Berezia: JUAN MUGUERZA NAZIORTEKO KROSA
- Burgos Alimentaria Garaikurra: Gizonezkoak: FERNANDO CARRO (1. saria) AYAD LAMDASSEM (2. saria). Emakumezkoak: TRIHAS GEBRE (1. saria) NURIA LUGUEROS (2. saria). Gizonezkoak 20 urtez azpikoetan: OUASSIM OUMAIZ. Emakumezkoak 20 urtez azpikoetan: JUNE ARBEO
- Antonio Serrano Fundazioaren sariak (23 urtez azpikoentzat) Gizonezkoak: SERGIO GARRIDO (1. saria) AMIN HOUKMI (2. saria). Emakumezkoak: ERIKA TORNER (1. saria) LUCIA ALVAREZ (2. saria)
- Fama Saria (taldeka). Gizonezkoak: AÑARES RIOJA. Emakumezkoak: BILBAO ATLETISMO.
∞Lotura duten albisteak:
- Mugertza krosak ANOC Sari Berezia jasoko du zapatuan Elgoibarren egingo duten jaialdian (2018-04-10)
- Mugertza krosari buruzko erakusketa otsailaren 25era arte egongo da ikusgai Kultur Etxean (2018-02-03)
- Sebastian Coe IAAFeko presidenteak ere badu Mugertza krosari buruzko liburua (2018-01-25)
- Bostehun ume baino gehiagok hartu dute parte Mugertza krosari buruzko marrazki lehiaketan (2018-01-16)
- Jebet eta Barega gailendu dira krosaren osagai guztiak eduki dituen 75. Mugertza krosean (2018-01-14)
- Mugertza krosaren iraganak eta orainak bat egin dute 75. urteurrena ospatzeko Galan (2018-01-12)
- 'Gazelen Hatsa’, krosaren historia, testigantzak eta irudia batzen dituen liburua (2018-01-11)
-
Goi mailako parte hartzea izango du Mugertza krosaren 75. ekitaldiak (2018-01-10)
- Elgoibar galaz jantziko da Mugertza kroseko irabazleei eta herritarrei esker ona erakusteko (2018-01-08)
- Mugertza krosaren 75. urteurreneko ospakizunez arduratuko den lantaldea aurkeztu dute (2017-07-20)