Lehenengoak, 2010 eta 2011. urteetan jaiotakoak, 10:30an abiatuko dira, lau taldetan banatuta, eta 328 metroko distantzia egingo dute korrika. Orduerdira 2009an eta 2008an jaiotakoak irtengo dira eta 609 metro egingo dituzte korrika. 11:30ean abiatuko dira 2007an eta 2006an jaiotakoak eta hauek kilometro eskas egingo dute korrika, 943 metro. Hamahirugarren lasterketa 2005, 2004, 2003 eta 2002an jaiotako neska-mutilena izango da. 12:00etan irtengo dira, eta 1.423 metroko ibilbidea egingo dute.
Lasterketa guztiak amaituta, 2001. urtetik atzera jaiotakoek izango dute korrikarako aukera. Zirkuitoari hiru buelta eman beharko dizkiote (3.613 metro guztira). Izen-emateak udaletxeko arkupeetan egingo dira, eta 10:30ean itxiko da izena emateko epea. Lasterketa guztiak amaitu ostean, sari banaketa ekitaldia egingo dute Kalegoen plazan bertan.