Nesken taldea, Tecnifuelle, Zarautzen jokatuko den Lauko Finalean lehiatuko da, barixakutik domekara bitartean. Pulpo Zumaiako taldea, Donostiako Bera Bera eta Zarautzko Aiala taldeen aurka aurka jokatuko dute Igor Lizarraldek entrenatutako jokalariek. Mutilen taldeak, Deca Elgoibarrek, Urdulizen jokatuko den Lauko Finalean hartuko du parte. Elgoibartarrek Bidasoa Irun, Zarautz Z.K.E eta B.M. Urduliz taldeen aurka jokatuko dute. Lauko Finaletako lehen hiru sailkatuak Espainiako Eskubaloi Txapelketa jokatzeko sailkatuko dira. Tecnifuellek eta Decak Lauko Finaletan jokatuko dituzten partiden ordutegiak sanlo.net webunean dituzue.
•Maila igoera ospatuko du Salentok
Gipuzkoako Txapelketako Lehen Mailara igotzea lortu du Pizeria Salentok, Sanloko senior gizonezkoen bigarren taldeak. Mailaz igo izana ospatzeko festa antolatu du babesleak Salento Pizeriak. Zapatu honetan, martxoaren 24an, izango da festa jatetxean, 19:00etatik aurrera. Besteak beste DJak eta photocalla izango ditu.
