Zapatu honetan, martxoaren 24an, izango da Ipar Martxa Ikastaroa Mintxetan, 10:30etik 12:30era bitartean. Mintxetan hasiko badira ere, Sallobenteko parajeetan ibiliko dira oinez. Aurrekoetan bezala, hastapen ikastaroa izango dela zehaztu dute antolatzaileek, eta hortaz, beharrezkoak diren makilak eurek lagako dizkiete parte hartzaileei.
Ekimenean parte hartu nahi dutenek Olaizaga Kiroldegian edo Mintxetan eman dezakete izena martxoaren 21a baino lehen. Udal Kirol Patronatuko bazkideek 12 euro ordaindu beharko dute eta bazkide ez direnek, aldiz, 15 euro.