Mintxetan hasi eta amaitu zen estreinakoz Elgoibarko Lagun Taldeak antolatutako kadeteentzako txirrindulari lasterketa. 52 kilometroko ibilbidea osatu ostean, Aimar Erostarbe (Ulma) oñatiarra ailegatu zen lehena helmugara, 1.18.23ko denbora eginda. Irabazleak 39,8 kilometro orduko batez besteko abiaduran osatu zuen proba. Errepide gaineko lehen garaipena izan da Erostarberentzat, eta 17 segundoko aldea atera zion bigarren egin zuen Beñat Carbayedari (Bazpi). Enekoitz Azparren (Caja Rural) sailkatu zen hirugarren postuan, irabazlearengandik 22 segundora.
Guztira 87 txirrindularik amaitu zuten proba eta 48k laga zuten bertan behera. (Ikus sailkapena)
