Juan Muguerza Nazioarteko Krosaren historia jasotzen duen Gazelen Hatsa liburua aurkeztu zuten barixakuan Elgoibarko Kultur Etxean. Mintxeta Atletismo Taldeko eta 75. Urteurreneko Batzordeko kiedeek eta Elgoibarko alkate Ane Beitiak aurkeztu zuten liburua Eduardo Arrillaga argazkilariarekin batera. Hitzaldi gelan aurkeztu zuten liburua aretoa bete zuten lagunen aurrean. Aurkezpena amaitu ondoren erakusketa gelara jaitsi ziren denak eta argazki erakusketa inauguratu zuten. Otsailaren 25era bitartean egongo da ikusgai Kultur Etxeko erakusketa gelan.
Jesus Mari Sarasuak eman ditu erakusketaren antolamenduari buruzko azalpenak. "Kultur Etxean areto polita eta txukuna daukagu baina zenbait gauzetarako txikia gelditzen da, krosaren 75 urteko historiari buruzko erakusketa hartzeko adibidez", azaldu du. Hori dela-eta, zuten espaziora egokitu behar izan dute erakusketa. Hiru zatitan banatu dute, eta krosaren 25 urte jasotzen ditu bakoitzak. Eduardo Arrillagaren eta argazki historikoez gainera, testu eta informazio asko duen erakusketa dela zehaztu du Sarasuak. "Pazientzia pixka batekin, irakurtzera animatzen direnek bitxikeria asko ezagutuko dituzte". Irudiak eta testuak bakarrik ez, krosarekin zerikusia duten objetua esanguratsuak ere badaude, Ego-toki elkarteko eta Mintxeta taldekoek lagatakoak, "oso bitxiak eta erakusketarako osagarri onak". Pantaila bat ere jarri dute argazki gehiago eta zenbait bideo erakusteko.
• Juan Muguerzari eskainitao txokoa
Krosari izena ematen dion Juan Muguerza Sasietari (Elgoibar, 1900 - Mungia, 1937) eskainitako txoko bat dago erakusketan. "Mereziko luke erakusketa propio bat edo argitalpen xumeren bat, besterik ez bada ere. Sarritan izaten dugu denok ahotan gure txapelduna, baina ez zaio ganorazko errekonozimendurik egin nere ustetan. Hori dela-eta, Mugertzari eskainitako mahai bat jarri dugu erakusketan, bere bizitzari buruzko pintzelada batzuekin eta argazkiekin, horietako batzuk ezezagunak". Juan Muguerzaren argazkiak lokalizatu dituena Felix Astigarraga izan dela nabarmendu du Sarasuak. Donostiako Kutxatekan lokalizatu zituen. Horietako batzuek identifikatu eta argitaratu gabe zeuden argazkiak. Esaterako, aurtengo krosa iragartzeko kartelean erabili zuten argazkia. Iturriekin jarraituz, azkuetarren argazki artxibotik argazkirik mitikoenak ere berreskuratu dituzte erakusketarako, tartean Mamo Wolde San Pedroko tximiniaren aurrean ageri den argazki ezaguna, baina argitaragabeko pare bat argazki ere badaude. Azkenengo garaiko argazkiak, Mintxetakoak, ere badaude ikusgai Kultur Etxean, eta baita Krosaren Galan ateratako argazkiak ere, Sarasuaren berbetan krosaren historia baitira dagoeneko.
• Juan Muguerzari eskainitao txokoa
Krosari izena ematen dion Juan Muguerza Sasietari (Elgoibar, 1900 - Mungia, 1937) eskainitako txoko bat dago erakusketan. "Mereziko luke erakusketa propio bat edo argitalpen xumeren bat, besterik ez bada ere. Sarritan izaten dugu denok ahotan gure txapelduna, baina ez zaio ganorazko errekonozimendurik egin nere ustetan. Hori dela-eta, Mugertzari eskainitako mahai bat jarri dugu erakusketan, bere bizitzari buruzko pintzelada batzuekin eta argazkiekin, horietako batzuk ezezagunak". Juan Muguerzaren argazkiak lokalizatu dituena Felix Astigarraga izan dela nabarmendu du Sarasuak. Donostiako Kutxatekan lokalizatu zituen. Horietako batzuek identifikatu eta argitaratu gabe zeuden argazkiak. Esaterako, aurtengo krosa iragartzeko kartelean erabili zuten argazkia. Iturriekin jarraituz, azkuetarren argazki artxibotik argazkirik mitikoenak ere berreskuratu dituzte erakusketarako, tartean Mamo Wolde San Pedroko tximiniaren aurrean ageri den argazki ezaguna, baina argitaragabeko pare bat argazki ere badaude. Azkenengo garaiko argazkiak, Mintxetakoak, ere badaude ikusgai Kultur Etxean, eta baita Krosaren Galan ateratako argazkiak ere, Sarasuaren berbetan krosaren historia baitira dagoeneko.
• Elgoibartarrei eskainia
Erakusketa xume baina osoa prestatu dutela uste du Sarasuak. Elgoibarko Udalari, Mintxeta Atletismo Taldeari, Ego Toki elkarteari eta 75. urteurreneko ospakizunez arduratu den batzordeari eskerrak eman dizkie, eman dieten babesa, laguntza eta erakusketa osatzeko informazio guztiagatik. "Erakusketa hau Elgoibarko herriari eta elgoibartarrei eskaini nahi diegu, gu geralako karrera hau hasieratik mantendu dugunak. Proba antolatzen ibili direnetako batzuek ezagunak dira, baina beste jende askok ezkutuan lan mordo bat egin du eta egiten jarraitzen dute. Lasterketa ikustera joaten diren ikusleek ere merezi du errekonozimendua, nola ez, beraiek gabe ez baitago karrerarik".
Erakusketa xume baina osoa prestatu dutela uste du Sarasuak. Elgoibarko Udalari, Mintxeta Atletismo Taldeari, Ego Toki elkarteari eta 75. urteurreneko ospakizunez arduratu den batzordeari eskerrak eman dizkie, eman dieten babesa, laguntza eta erakusketa osatzeko informazio guztiagatik. "Erakusketa hau Elgoibarko herriari eta elgoibartarrei eskaini nahi diegu, gu geralako karrera hau hasieratik mantendu dugunak. Proba antolatzen ibili direnetako batzuek ezagunak dira, baina beste jende askok ezkutuan lan mordo bat egin du eta egiten jarraitzen dute. Lasterketa ikustera joaten diren ikusleek ere merezi du errekonozimendua, nola ez, beraiek gabe ez baitago karrerarik".
∞ Lotura duten albisteak:
- Sebastian Coe IAAFeko presidenteak ere badu Mugertza krosari buruzko liburua (2018-01-25)
- 'Gazelen Hatsa’, krosaren historia, testigantzak eta irudia batzen dituen liburua (2018-01-11)
