Morkaiko Mendizale Elkarteak gogorarazi du bidea ez dela markatuta egongo eta norberak nahi duen lekutik igo ahal izango duela, beti ere baserritarrek jarritako itxiturak errespetatuz. Izen-emateak doan izango dira eta interesatuek aurrez (morkaiko@moraiko.net helbidera idatzita) nahizlasterketa egunean bertan eman ahal izango duten izena, 10:00etatik aurrera.
Iaz 75 lagunek hartu zuten parte inoizko azkarrena izan zen Karakateko Igoeran, Iban Muruak eta Maite Maiorak gizonezkoen zein emakumezkoen errekorrak ondu baitzituzten. Iban Muruak 26 minutu eta 52 segundoan osatu zuen igoera. Maite Maiorak, berriz, 31 minutu eta 37 segundoan. Parte-hartzaileen artean hutsune nabarmen bat egongo da aurtengoan, proba bost alditan irabazi duen Iñigo Larizek ez baitu parte hartuko.
•Ibon Iparragirreren aldeko argazkia
Karakateko Igoera hasi baino bost minutu lehenago Ibon Iparragirre presoaren aldeko argazkia aterako dute Kalegoen plazan. Ondarroako presoa gaixorik dago, IHESA du, eta bere senideek ohartarazi dute defentsa gutxi geratzen zaizkiola bizirik irauteko. "Berandu baino lehen, Ibon etxera ekartzeko eskatu nahi dugu, hirugarren gradua aplikatzeko baldintzak betetzen dituelako, eta giza eskubidea delako. Horregatik, Karakateko igoera baino 5 minutu lehenago Ibonen aldeko argazkia egingo dugu Foruen Plazan. Era berean, korrikalariei dei egin nahi diegu Karakateko igoeran Ibonen aldeko kamisetarekin parte har dezaten", azaldu dute ekimenaren sustatzaileek; Elgoibarko zenbait bizilagunek eta Elgoibarko Sarek.
•Azken urteetako irabazleak:
- 2016an Iban Murua eta Maite Maiora
- 2015ean Iñigo Lariz eta Ainhoa Lendinez
- 2014an Iñigo Lariz eta Nahia Quincoces
- 2013an Iñigo Lariz eta Nahia Quincoces
- 2012an Iñigo Lariz eta Nerea Amilibia
- 2011n Oier Ariznabarreta eta Maite Maiora
- 2010ean Oier Ariznabarreta eta Maite Maiora
- 2009an Oier Ibarbia eta Nerea Amilibia
- 2008an Josu Arregi eta Oihana Kortazar
- 2007an Iñigo Lariz eta Pilar Arriola
- 2006an Aritz Kortabarria eta Pilar Arriola
∞Lotura duten albisteak:
- Iban Muruak eta Maite Maiorak Karakateko Igoerako errekorrak ondu dituzte (2016-11-19)
-
Iñigo Larizek irabazi du Karakateko Igoera, esprint estu batean Julen Aranguena mendean hartuta (2015-11-14)
-
Karakateko igoerako errekorrak ondu dituzte Inigo Larizek eta Nahia Quincocesek (2014-11-15)
- Iñigo Larizek garaipena eta errekorra Karakateko 20. igoeran, 27:39 (2013-11-16)
- Iñigo Larizek irabazi du Karakateko igoera eta errekorretik hiru segundora geratu da (2012-11-17)
- Karakateko Igoera barrutik ezagutu nahi? (2011-11-22)
- 28 minutu eta 17 segundo, Karakateko Igoerako errekor berria ezarri du Oier Ariznabarretak(2011-11-19)
- Karakatera antxintxika eta aurpegi onarekin gainera!
- Jakin nahi duzue Karakateko Igoeraren historia? (2007-11-16 elgoiBARREN.net)