Kirolak

barren.eus-logoa

Tokikom

 

 
 

san pedro igoera eskibel ElgoibarIker Eskibelek (Eskoriatza, 1993) hiru segundoan ondu du gaur berak iaz ezarri zuen errekorra. Alberto Contador fundazioko txirrindulariak hamahiru minutu eta hamazazpi segundoan igo ditu Kalegoen Plazatik Idotorbe gainera dauden 3,8 kilometroak.

Giro ederrean jokatu da gaur Julian San Juanen Oroimenezko 26. San Pedroko igoera. Eguzki izpiek gozatu duten giroa batetik, eta bide bazterretan batu diren ikusleek jarri dutena, bestetik. Guztira 45 txirrindularik parte hartu dute igoeran, denak gizonezkoak, eta Iker Eskibel eskoriatzarra izan da guztietan azkarrena, bigarren urtez jarraian. Iaz segundo batean ondu zuen Iñigo Larizek 2002. urtetik zeukan marka, eta gaur hiru segundo jan dizkio iazko denborari. Probaren amaieran esan duenez, oraindik gehiago ontzeko modukoa da denbora hori. Gaur parte ez hartzeko zorian ere egon da, proba hasteko hiru minutu falta zirenean zulatua izan baitu. "Irteerara nihoanean konturatu naiz zulatua nuela gurpilean eta ozta-ozta lortu dut konpontzea". Egoerak ez duela urduri jarri dio, baina bai behar bezala ezin berotu izanaren penarekin gelditu dela.

Eskibelek 40 segundoko aldea atera dio gaur bigarren sailkatuari. Ruben Merino durangarrak egin du bigarren (13.46) eta Josu Uriarte sailkatu da hirugarren postuan (13.49). Orain bi urte igoera irabazi zuen Ramon Javier Garcia elgoibartarra sailkatu da laugarren postuan. Jose Mari Arrazola izan da helmugara ailegatzen azkena, 33:58ko denbora eginda, baina badu nahikoa meritu, 80 urterekin egin baitu igoera.

• Alberto Contador fundazioan

Alberto Contador txirrindulari ohiak sustatutako Fundacion Alberto Contador Polartec taldeak fitxatu zuen iaz Iker Eskibel eta Madrilgo taldean lehiatu da duela hilabete amaitu zen denboraldian, 23 urtez azpikoen kategorian. Hurrengo denboraldian ez duela taldean jarraituko jakinarazi berri diote eta oraindik ez dauka argi zer egingo duen aurrerantzean. "Txirrindularitzaz gozatzea eskatzen dit gorputzak orain eta errepideko txirrindularitza mendikoarekin uztartu nahi dut", esan du.

ARGAZKI-BILDUMA

 

2017 10 12 san pedro igoera eskibel Elgoibar 1 2

2017 10 12 san pedro igoera eskibel Elgoibar ramon

san pedro igoera eskibel Elgoibar murua

san pedro igoera eskibel Elgoibar 80urte

san pedro igoera eskibel Elgoibar mozorrotuta

san pedro igoera eskibel Elgoibar kategoria irabazleak

•Azken urteetako irabazleak:

Gida komertziala

Gida komertziala 2017

 

GUREAN.EUS

Elgoibarko Izarra

elgoibarkoizarra-logoa-irudia

Bideoak

Barren astekaria

ePosta harpidetza