Sky Extreme Series zirkuituko estreinako proba jokatu dute asteburuan Italian, Royal Ultra SkyMarathon® Gran Paradiso izeneko 52,5 kilometroko ultra lasterketa. Turin hiritik gertu dagoen Gran Paradiso parke nazionalean lehiatu ziren antxitxikariak, erregeen ehiza barruti izandako paraje ikusgarrietan barrena. Ibilbidean zazpi tontor igo behar izan zituzten, garaiena 3.003 metrora, eta igoera guztiak batuta 4.141 metro igo zituzten.
YSF erakundeak antolatzen duen Skyrunning munduko zirkuituko (Sky Classic) lidergoan ailegatu zen Maiora probaren irteerara, Zegama-Aizkorri eta Livigno Skymarathon probak irabazi eta gero lortutako puntuei esker; 220 guztira. Mendi maratoiak baino proba luzeagoak batzen dituen Sky Ultra txapelketa lehiatzen ari diren hainbat antxitxikarik ere parte hartu zuten Gran Paradison. Maite Maiora zen proba irabazteko faborito nagusienetarikoa eta mendaroarrak une honetan bera dela indartsuena erakutsi zuen. Zortzi ordu, bost minutu eta 28 segundoan osatu zuen proba mendi maratoiko munduko egungo txapeldunak. 25 minututik gorako aldea atera zion bigarren egin zuen Katie Shide (8.32:07) suitzarrari eta 40 minutitik gorakoa hirugarren egin zuen Ekaterina Mityaeva (8:48:23) antxitxikari errusiarrari.
Hiru lasterketako zirkuitua da Royal Ultra SkyMarathon, eta horietako bitan parte hartu behar da sailkapen nagusian lehiatu ahal izateko.
∞ Lotura duten albisteak:
- Maite Maiorak irabazi du Livigno Skymarathon proba, Italian (2017-06-19)
- Maite Maiora nagusi Fuente De-ko kilometro bertikalean; Lariz eta Lendinez podiumean(2017-06-11)
- Maite Maiora mendaroarrak, garaipena eta errekorra Zegama-Aizkorri mendi maratoian(2017-05-28)
- Maite Maiorak bigarren egin du Zegama-Aizkorriko kilometro bertikalean(2017-05-26)
- Maite Maiora eta Iñigo Lariz igoera bertikalen Espainiako Txapeldun(2017-05-21)
- Maite Maiorak irabazi du Kilometro Bertikalen Espainiako txapelketa(2016-06-19)
- Garaipena eta errekorra, bigarren urtez jarraian, Larizentzat Fuente Dé-ko kilometro bertikalean(2014-06-08)
- Garaipena eta errekorra Iñigo Larizentzat Fuente Dé-ko kilometro bertikalean(2013-06-10)