Maalako jai batzordeak antolatzen du Azkarateko igoera herrikoia, Mintxeta Atletismo Taldearen eta Gure-Bide txirrindularitza elkartearen laguntzarekin. 2011n egin zuten estreinakoz, David Slater ingelesak 1981. urtean ezarri zuen marka (20:40) gogoan. Slater bera etorri zen Elgoibarrera estreinako edizioan proba jarraitzera, eta berriro itzuli zen iaz, bere seme James-ek aitaren eta Azkarateko igoeraren inguruan eginiko dokumentala, ‘El Ingles’ izenekoa, aurkeztera.
Kirol probak antolatzeko baimenak eskuratzea gero eta zailagoa dela ohartarazi dute Maalako jai batzordetik, urtetik urtera zorrotzagoak direlako bete beharreko baldintzak eta arauak eta aseguruak ere gero eta garestiagoak direlako.
• Oier Ariznabarretak lau garaipen
Oier Ariznabarreta antxintxikari durangarrak dauzka garaipen gehien Azkarateko Igoeran, lau alditan irabazi baitu. Ander Agirrek ere irabazi zuen, behin, 2012an, eta Igon Manzisidor debarra izan zen azkarrena 2016ko proban. David Slaterrek 1981ean ezarri zuen errekorretik (20:40) hurrun gelditu ziren guztiak. Bizikletako proban banatuago egon dira garaipenak. Bizikletako probaren errekorra (15:05) Aitor Hernandez txirrindulari ermuarrak ezarri zuen 2012an.
Maalako jaiei dagokionez, uztailaren 22an Maalako elizan ospatuko duten meza nagusia da, momentuz, antolatzaileek baieztatu duten ekintza bakarra. 12:00etan izango da.
∞ Lotura duten albisteak:
- Ramon Garcia eta Igon Manzisidor azkarrenak euripean jokatu den Azkarateko Igoeran (2016-07-23)
- Jende asko batu zen 'El Ingles' dokumentalaren emanaldira (2016-07-22)
- Mikel Garate eta Oier Ariznabarreta gailendu dira Azkarateko igoeran (2015-07-18)
- Azkarateko igoerak lekua izango du David Slaterren bizitzari buruzko dokumentalean (2015-07-15)
- Iban Gonzalez eta Oier Ariznabarreta nagusi Azkarateko maldetan (2014-07-19)
- Azkarateko Igoera: Garate eta Ariznabarreta irabazle, bizikletaz bata eta antxitxika bestea (2013-07-20)
- Aitor Hernandez eta Ander Agirre nagusi Azkarateko Igoeran (2012-07-21)
- Azkarateko Igoera: Garaipena Ariznabarretarentzat baina errekorretik urrun (2011-07-23)
- David Slaterren errekorraren bila (2011-07-05)