Idotorbeko eta Aiastiako mendietan barrena jokatu zen domekan San Pedroko I. Enduro Txapelketa. Aurreko urteetan Cross Country modalitateko txapelketak jokatu izan dituzte Idotorben. Iaz, esaterako, Euskadiko eta Nafarroako Cross Country Motor Txapelketako proba puntuagarria antolatu zuen Urnobitza Kirol Klubak, eta Markos Beraza pilotu nafarrak irabazi zuen proba. Aurten ere Beraza izan da onena, Enduroan oraingoan. Aurtengoa ere Euskadiko Txapelketarako proba puntuagarria izan da.
Bi zati zituen probak. Batetik, bost minutuko erlojuaren aurkako proba zirkuitu batean eta, bestetik, 22 kilometroko ibilbidea mendian. Borja Nietok egin zuen bigarren eta Alex Hidalgo sailkatu zen hirugarren postuan. Beteranoetan Pedro Gorospe nagusitu zen eta Markel Barainka 23 urtez azpikoetan. Azkenik, senior mailako trofeo saria Miguel Angel Perezek irabazi zuen.
Idotorbeko San Pedro jaiak, iruditan
