Olaizaga Kiroldegiko igerilekua igerilari gaztetxoz beteko da zapatuan. Lehen Hezkuntzako 1. eta 6. maila bitarteko umeek hartuko dute parte Elgoibarko Igeriketa Egunean, 10:00etatik aurrera. Txikienentzako jolasak prestatu dituzte Elgoibarko Igeriketa Taldekoek eta koskortuagoentzak hainbat froga antolatu dituzte. Iaz, 180 umek hartu zuten parte Elgoibarko Igeriketa Egunean.