C.D. Elgoibarrek Realarekin Bartzelonara bidaiatzeko saria zozketatu du. Sarituek Realeko jokalariak joango diren hegazkin berean egingo dute bidaia; eta, gainera, jokalari txuri urdinen hotel berean hartuko dute ostatu.
Club Deportivo Elgoibarrek jakinarazi duenez, 2946 zenbakia izan da saritua eta agertu da txartelaren jabea: Ander Gonzalez. Bartzelonak eta Realak Camp Nou zelaian apirilaren 15ean jokatuko duten Liga txapelketako partida ikusteko bi lagunentzako hegaldia, hotelean egonaldia eta partidarako sarrerak irabazi ditu.
• Kromo trukea eguaztenean
C.D. Elgoibarrek kromoak trukatzeko saioa antolatu du. Futbolari elgoibartarren kromo bilduma osatzeko kromoren bat falta dutenek, eguaztenean (apirilak 5) Futbol Eskola hasten den orduan, Mintxetara azalduta izango dute falta dituzten kromoak eskuratu edo errepikatuta dituztenak aldatzeko aukera.
