Futbol Eskolako umeek barixaku arratsaldean Kalegoen Plazan, Plaza Txikian eta Lekueder parkean jokatu behar zituzten partidak, eta Aterri taldeak gauean eman behar zuen kontzertua, atzeratzea erabaki dituela jakinarazi du C. D. Elgoibarren Mendeurreneko Batzordeak. Klubak ehun urte beteko dituen egunerako, martxoaren 3rako, antolatutako ospakizunak ziren. Halaber, Futbol Eskolako umeen entrenamenduak ere bertan behera gelditu dira.
Iker Jausoro eta Joseba Zinkunegi mendian izandako istripuan hil ziren domekan eta heriotzak samina sortu du herrian eta baita futbol taldean ere, Eskola Futboleko umeekin entrenatzaile lanetan aritzen baitzen Iker Jausoro.