Elgoibar Ikastolak XX. Pilota Eguna antolatu du zapaturako (otsailak 11). Eguraldi ona izanez gero, Kalegoen Plazako frontoian egingo dute. Aldiz, eguraldi txarra egingo balu, Ikastolako Frontoian izango da.

Ekintza hau Ikastolako haurrentzat soilik izango da, eta bertan, 6 eta 12 urte bitarteko haurrek parte hartuko dute. 10:30etik aurrera hamabi partida jokatuko dituzte guztira, 12 tantotara (ikus hemen norgehiagokak). Gaztetxoen arteko partiden ostean, Lagunak Pilota Eskolako senior mailako pilotariek lagunarteko partida jokatuko dute.