Eskubaloiko emakumezkoen euskal selekzioak Nazioen Kopa jokatuko du gaur eta bihar, Granollersen. Martin Larrañaga hautatzaileak Nora Kortaberria elgoibartarra eta Elgoibarren bizi den Nerea Arregi zarauztarra sartu ditu deialdian. ETB1ek zuzenean eskainiko du gaur arratsaldean Katalunia eta Euskadiren arteko lehia.

Emakumezkoen euskal selekzio nagusiak Kataluniaren aurka jokatuko du gaur, Granollersen, Nazioen Kopako lehen finalerdia. Euskal Telebistak zuzenean eskainiko du norgehiagka, 18:10etik aurrera. Bigarren finalerdia ere gaur jokatuko dute, Galizia Katalunia B-ren aurka. Katalunia B-k Aljeria ordezkatu du azken unean. Irabazle zein galtzaileek bihar jokatuko dute elkarren aurka.
Martin Larrañaga hautatzaileak 15 jokalari deitu ditu, tartean Nora Kortaberria eta Nerea Arregi, Zarautzeko Aiala taldeko jokalariak biak, elgoibartarra lehena eta Elgoibarren bizi den zarauztarra bigarrena.

∞Lotura duten albisteak:

• Suediak Espainia kanporatu du eta amaitu da munduko txapelketa Nora Kortaberriarentzat (2016-07-11)
• Nora Kortaberriak Eskubaloiko Munduko Junior Txapelketa jokatuko du Errusian (2016-06-10)
• Munduko Txapelketarako sailkapena lortuta itzuli da Nora Kortaberria Poloniatik (2016-02-21)
• Nora Kortaberriak Munduko Txapelketako sailkatze fasea jokatuko du Polonian Espainiako Selekzioarekin (2016-03-16)