Emakumeen Lau t’erdiko txapelketako lehen finalerdiarekin hasi zen joan den barikuan San Anton pilota txapelketaren 31. ekitaldia. Lagunak Pilota Eskolakoek bigarrengoz antolatu dute emakumeen kaiolako txapelketa, eta Leire Oskozek eta Goiuri Zabaletak neurtu zituzten indarrak lehen finalerdian. Belaunaldi berriak indarrean datozen erakusle dira bi pilotari gazte nafarrok. Zabaleta leitzarrak 14 urte besterik ez dituen arren, emakumeen pilotan gauza handiak egitera deitua dago. Emakume Master Cupeko final nagusian lehiatu zen joan den abenduaren 18an, Durangon, Amaia Aldairen aurka galdu bazuen ere. Elgoibarren jokatutako finalerdian, Zabaletak 17 urteko Leire Oskoz pilotari nafarra izan zuen aurkari, eta 22-13 irabazi zion, finalerako txartela eskuratuz.
Promesa mailako gizonezkoen lehen finalerdian, Ibarluzeak eta Cansecok osatutako bikoteak lortu zuen finalerako sailkatzea, Etxeberriari eta Santestebani 22-16 irabazita. Azkenik, gizonezkoen nagusien mailan, Igoa eta Apezetxea gailendu ziren, Egigureni eta Cuaiarani 22-15 irabazita.
• Bigarren finalerdiak, barikuan
Barikuan, urarrilaren 12an, jokatuko dituzte bigarren finalerdiak, 21:30etik aurrera, Ikastolako frontoian., honakoek:
- Emakumeen bigarren finalaurrekoa: Madalen Etxegarai Vs Leire Garai
- Promesa mailako 2. finalaurrekoa: B. Apezetxea & Landa Vs Irribarria & U. Apeztegia
- Nagusien mailako 2. finalerdia U. Amiano & Loza Vs Iker Egiguren & Lazkoz
∞Lotura duten albisteak:
- San Anton txapelketa: Arrillagak irabazi du lau eta erdiko finala eta Elola-Lizeaga eta Amiano-Loza gailendu dira bikoteka (2023-01-15)
- Emakumeen Lau t'erdiko Pilota Txapelketa ere izango du aurten San Anton Torneoak (2022-12-23)
- Igoa eta Arbizu nafarrak gailendu dira San Anton Pilota txapelketan (2022-01-15)
- Bertan behera gelditu da San Anton Pilota txapelketa (2021-01-13)
- Murua eta Uriondo nagusitasunez gailendu dira San Anton Pilota txapelketan (2020-01-18)
- Labaka eta Telletxea gailendu dira 27. San Anton Pilota Txapelketan (2019-01-20)
- Seniorretan Alberdi-Aizpuru eta promesetan Alberdi-Apezetxea irabazle, San Anton txapelketan (2018-01-20)
- Espinal eta Zezeaga nagusi San Anton Pilota Txapelketan (2017-01-25)