Atxutxiamaikak eta Udalak elkarlanean antolatu duten Bertsio Gaua izan da aurtengo inauterietako berrikuntzetako bat. Taldeka edo bakarka, oholtza gainetik aukeratutako abestiak kantatu edota antzezteko (play back-a) egiteko aukera zuten herritarrek, eta hamazortzi talde eta bakarlarik eman zuten izena. Guztiak igo ziren Maalako eszenatokira euren onena ematera eta "giro ederra" sortu zela azaldu dute antolatzaileek. Onenei sariak ere eman zizkieten, eta 'Aladinas' taldeak jaso zuen taldekako lehen saria, 250 euro. 'Pudes contar conmigo' abestia defendatu zuten oholtzan. 'Joane Nerea' izenarekin aurkeztu zen taldeari eman zioten bigarren saria (170 euro). Horiek modako abestia aukeratu zuten, Shakira eta Bizarrapen 'Bzrp Music Sessions #53'. Eszenatokira bakarrik igo zirenen artean, Tino Casal izenaz aurkeztu zen bakarlariak eskuratu zuen epaimahaiaren lehen saria (170 euro), 'Eloise' abestiarekin. Ska-P taldearen 'El Vals Del Obrero' abestia aukeratu zuen Roketxe bakarlariak jaso sari berezia (150 euro).
Argazkiak: Mikel Askasibar / Elgoibarko Udala
∞Lotura duten albisteak:
- Inauterietako zapatuak eman du berea (2023-02-19)
- Inauterietako zapatua jai egun handia bihurtu da Mendaron (2023-02-18)
- Euskal Inauteri koloretsuak ospatu dituzte eskola umeek (2023-02-17)
- Hasi dira inauteriak! (2023-02-16)
- Musika Eskolakoen kalejirarekin hasiko dira Elgoibarren inauteriak Eguen Zuri Egunean (2023-02-15)