Zanpantzarrak, Bolantak, Txatxoak, Joaldunak, Kotilungorriak, Mamoxarroak... euskal inauterietako pertsonaiez gainezka egon dira gaur arratsaldean herriko kale eta plazak, eta neguko lozorrotik esnatu den hartz bihurria ere ibili da batetik bestera.
Ohi duten moduan, Ostiral Mehe Eguna ospatzera irten dira kalera Elgoibar Ikastolakoak. Maalan, Kalebarrenen eta Lekuederren geldialdiak eta dantza saioak egin ostean, denak elkartu dira kalegoen plazan. Guraso eta familia kide mordoxka begira zituztela aritu dira dantzan han ere.
∞Lotura duten albisteak:
- Hasi dira inauteriak! (2023-02-16)
- Musika Eskolakoen kalejirarekin hasiko dira Elgoibarren inauteriak Eguen Zuri Egunean (2023-02-15)
- Inauterietako playback saiorako izen ematea zabalik (2023-02-14)
