Erromeriaz gainera beste hainbat ekitaldi egin zituzten abuztuaren 7an egin zuten Santumotz Egunean.
Aubixatik Hiru-Iturrira bidean, Urkiola-Txiki baserriaren alboan dagoen Santumotz lautadan egin zuten Santumotz Eguna, bertan dagoen ermitaxoaren bueltan. Hasteko Hitzaren liturgia elizkizuna egin zuten. Gero, salda eta txorizoa banatu zituzten Idotorbera igotakoen artean. Jarraian auzoko harrijasotzaile Imanol Albizu 'Goikoetxe'k erakustaldia eman zuen. Bertsolariek eta trikitilariek giroko zuten giroa eta Toka txapelketa ere egin zuten. Lisagasar Sagartokiak emandako produktuak eraman zituzten etxera irabazleek. Otarra bat ere zozkatu zuten eta Andres Egidazuri tokatu zitzaion, hain justu ere, Santumotz sainduaren irudia egin zuen artista elgoibartarrari.
Santumotzeko lautadan hasi zuten erromeriak San Pedro jatetxean izan zuen segida.
∞Lotura duten albisteak:
