Herriko zaindariaren eguna, irudietan

Barren.eus 2022ko abu. 24a, 15:59

Iruñeako eta Guardiako dultzaineroen eta Udal Txistulari taldearen dianekin hasi da San Bartolome Eguna, tradizioz beteriko festa eguna. (laburpen-bideoa)

Ondoren, Udal Musika Bandak zeharkatu ditu herriko kaleak kalejiran, gaur herriko zaindariaren eguna ospatzen dela berri emateko. Hain justu ere, prozesioan atera dute zaindariaren irudia. Gero egin duten meza nagusia berezia izan da. Batetik Iruñeako Artzapezpiku Francisco Perezek gidatu duelako; eta, bestetik, aurrerantzean Elgoibarko parroko berria izango den Viktoriano Etxabe aurkeztu dutelako meza horretan. Era berean, elizkizunean parte hartu duen aurreko parrokoa, Benantzio Otaegi omendu dute.

Parrokiko abesbatzak, Udal Txistulari Taldeak eta Haritz dantza taldeak parte hartu duten ordu eta erdiko elizkizuna amaitu ostean, soka-dantza dantzatu dute Kalegoen plazan, Haritzeko eta Udal Txistulari taldekoen eskutik. 

Udal Musika Bandak kortzertua eman du eliz atarian, goiz parteko ekitaldiei amaiera emanez. 

Arratsalderako haur eta nerabeentzako parkea, erraldoi eta buruhandien kalejira, profesionalen arteko pilota partidak eta kale antzerkia daude egitarauan. Gauean Zea Mays taldearen kontzertua izango da Kalegoen plazan.

 

2022 08 24 bartolome eguna txistulariak elgoibar BARREN

2022 08 24 bartolome eguna prosezioa BARREN

2022 08 24 bartolome eguna soka dantza alkateagaz haritz BARREN

2022 08 24 bartolome eguna soka dantza haritz 2 BARREN

2022 08 24 soka dantza sanbartoomeak elgoibar Barren m

 

∞Lotura duten albisteak: