Egun handia izan zuten atzo Mendaron: Kuadrillen Eguna, eta gaur, domeka, 8:30ean, parrandak segitzen du batzuentzat Herriko Enparantzan. 460 lagun baino gehiago elkartu ziren atzo ikastolako patioan egin zuten herri-bazkarian, eta Motxaila Bandek aspaldi ez besteko giroa jarri zuen iluntzean.
Agurra zuten atzokoa, eta hiru ordutik gorako saioa eskaini zuten, eta gozatu zuten herritarrek zein kanpotik etorritakoek. Gauean, berriz, playbackean lehiatu ziren herriko kuadrillak eta ikusmin handia piztu zuten.
Gaur, domeka, Haurren eta Nagusien Eguna dute Mendaron. Hona gaurko egitaraua:
- 11:00 Txirristada handia eta puzgarriak Azpilgoetan
- 12:30 Meza nagusia, Azpilgoetan
- 13:30 Euskal dantzetako ikasleen saioa, frontoian
- 14:30 Bazkaria Aizpe elkartean
- 18:00 Haur danborrada, Arno guraso elkarteak antolatuta eta Bizi Poza txarangak girotuta
- 20:00 - 23:30 Lisker.
