Uztailaren 22an hasiko dituzte santanak Mendaron, eta biharamunean ospatuko duten Kuadrilla Eguneko herri bazkarirako 458 lagunek izena eman dutela jakinarazi dute Udaletik.

Guztira 28 kuadrilla dira izena emandakoak. 2019an ere, 460 bat lagunek bazkaldu zuten elkarrekin.

Paella lehiaketa antolatu dute egun horretarako, eta 41 su jarriko ditu Udalak, eta 77 mahai. Paella lehiaketarako oinarrizko osagaiak (arroza, oilaskoa, olioa eta gatza) Udalak banatuko ditu.