Gazteen Egunean egingo duten ginkana jokorako Deba ibaia garbitzen jardun dute gaur goiz osoz herriko hainbat gaztek. Gabaz taberna paretik ia Andikaora arteko ibai zatia garbitu dute, bi taldetan banatuta. Ordu honetatik aurrera hainbat ekintza egingo dituzte, herri bazkaria eta bazkalosteko jolasak. Bazkal aurretxoan, gainera, erakusketa zabalduko dute, azken urteotako ibai garbitzeetan egindako argazkiekin.

Hauxe duzue gauera arteko gaurko egitaraua.

14:00. Bazkaria, Maalan. 

Bazkalostean, pregoia eta jolasak.

18:00. Kalejira musikatua Maalatik hasita.

20:00. Gaztetxearen urteurren ekitaldia eta mokadutxoa. Jarraian, bertsio iluntzea.

23:00. Kontzertuak Maalan. Skaleak+talde gonbidatua