Leire Rodriguezek 21 urte ditu, eta arkitektura ikasten ari da. Gustuko du horrelako lehiaketetan parte hartzea, eta orain dela hiru ute ere sanbartolomeetako kartel lehiaketa irabazi zuen. Berak prestatutako logotipoa soinean eramango dute Elgoibarko gazteek Gazteen Egunean, eta beretzako "ohore bat" izango dela adierazi du Rodriguezek. Lehiaketara aurkeztutako lanak Gazte Asanbladak Instagram sare sozialean duen kontuan ipini zituzten, eta gogokoenari "atsegin dut" emateko aukera izan da.