Benantzio parrokoak San Migel ermitan emango duen mezarekin hasiko dira ospakizunak, 11:00etan. Meza ostean, salda eta txorizoa banatuko dituzte. 12:00etatik aurrera, Baltzola eta Andonegi trikitilarien musikak girotuko du jai eguna. Gero, 12:30ean, afizionatuen arteko eskuz binakako partida jokatuko dute Murkaikupe frontoian.
Auzo bazkaria 14:30ean hasiko da. Entsalada, oilaskoa, sahieskia eta postrea izango dituen bazkarirako txartelak Armueta, Ziarda, Sahatzu edo Auto Servicio Arrizabalaga (Santa Klaran) harategietan eros daitezke.