Elgoibar Ikastolako ikasleek eta irakasleek Euskal Inauteriak irudikatu dituzte herriko kaleetan, 2019ko inauteriei hasiera emanez.
Ostiral Mehe Eguna da gaur eta urteroko ohiturari jarraituz, kalejiran irten dira Elgoibarko Ikastolakoak. Ikastetxetik Kalegoen plazaraino egin dute kalejira zanpantzarrek, kotulungorriek eta euskal inauterietako beste hainbat pertsonaik, euskal musikak girotuta.
Mendaroko Ikastolan ere gaur arratsaldean egin dute Inauteri festa. Era berean Elgoibarko Ludotekan ere hasi dute mozorroen festa, merendola, dantzaldia eta mozorro lehiaketarekin.
Lotura duten albisteak:
- Sinuösek kontzertu berezi eta desberdina emango du gaur gauean, inauterietako egitarauaren barruan (2019-03-01)
- Egitarau zabala izango dute 2019ko inauteriek Elgoibarren eta Mendaron (2019-02-27)
