IES Elgoibar BHI, Meka GLHBIko eta IMHko ikasleek jai giroan ospatu zituzten Bosko Eguna eta IMH Eguna.
IMHn hainbat probaz osatutako ginkana modukoa antolatzen dute eta lehen mailako Mekatronika eleanitza taldeak irabazi zuen sailkapen nagusia. Parte hartaileen artean hainbat opari zozkatu zituzten, pintxoak, opilak eta freskagarriak IMHko kafetegian, Malecón Zarautz Spa-n bi lagunenzako zirkuitua, zaldi gainean bi lagunentzako ibilaldia, urpeko bataioa bi lagunentzat, paintball saioa, e.a. (imh.eus webgunean jarri dituzte probetako emaitzak eta oparien irabazleak)
Elgoibarko institutuko ikasleek ere hainbat lehiaketa antolatu zituzten Bosko Egunerako: tortilla lehiaketa, atletismoa Mintxetan, eskubaloia, sokatira... Antzerkiak eta musikak ere izan zuten tartea ospakizunetan. Maalako parkean egin zuten bazkarian izan zuen segida jai giroak. Hona hemen helarazi dizkiguten hainbat argazki:
