Olentzerok eta Mari Domingik gogotik egin zuten lan Elgoibarren eta Mendaron ere, eta oparien zakuak hustuta itzuli ziren etxera. Elgoibarko Izarraren aldeko tonbolan ere boleto guztiak saldu zituzten eta 1.200 opari baino gehiago banatu.

• ARGAZKI BILDUMA: Olentzero eta Mari Domingi Elgoibarren eta Mendaron

Kalegoen plaza betetzeko egitaraua prestatu zuen Elgoibarko Izarrak abenduaren 24rako, eta aurten ere lortu zuten plaza herritarrez betetzea. Erdiguneko kaleak kantuan zeharkatu ostean, Olentzerok eta Mari Domingik San Bartolome parrokiako arkupean jasoko zituzten umeen gutunak. Mendaron, berriz, arratsaldez egin zieten bisita Olentzerok eta Mari Domingik ume mendaroarrei. Kalejiran ibili ostean, udaletxeko balkoira irten ziren herritarrak agurtzera, eta udaletxe azpian jasoko zituzten umeen gutunak.