San Migel festak ospatzen dihardute Aiastia auzoan

Barren.eus 2016ko ira. 30a, 09:06

Atzo, San Migel egunez, hasi zituzten auzoko festak Aiastian. Auzo afariarekin hasi zituzten ospakizunek gaurtik domekara bitartean izango dute segida. Gaur, esaterako, Haritz dantza taldeak 30. aldiz dantza egingo du Aiastiako jaietan.

Gaur, hilak 30, gazteak izango dira protagonista Aiastian. Gazteen elkartzearekin hasiko dira San Migel festetako ospakizunak, 19:00etan, Aiastiako kalamua elkartean. Gauean, 21:00etan, Haritz Euskal Dantzari Taldeak Borja Uzuriagaren oroimenezko dantza erakustaldia eskainiko du Murkaikupe frontoian. Aistiako San Migel jaietan dantza erakustaldia eskaintzen hasi zirela 30 urte beteko dira aurten eta, hori dela-eta, San Migelen inoiz dantza egin duten dantzariak elkartu eta dantzan jarri nahi ditu Haritzek gaur. Dantzaldiaren ostean, auzoko gazteek afaria egingo dute eta Fan&Go taldearekin erromeria izango da gero.
Zapatuan umeek hartuko dute gazteen lekukoa eta eurei eskainitako ekintzak izango dira nagusi egitarauan: umeen jolasak, umeen bazkaria eta umeentzako parkea, hain zuzen ere. Zapatu gauean, berriz, bertso-afaria nabarmendu behar da. Andoni Egaña eta Angel Mari Peñagarikano bertsolariek girotuko dute saioa.
Domekan, azkenik, mezarekin hasiko dira ospakizunak eta San Migelgo X. artzain-txakur txapelketa (Euskal Herriko arraza libreko finala) eta idi-demak izango dira eguneko ekitaldi nagusiak. Idien pisaketa 10:00etan egingo dute eta 17:00etan hasiko da lehia. Olidenen, Soarteren eta Txokolateren idi-pareak arituko dira deman. Ikus egitaraua:

 

30 BARIXAKUA

  • 19:00 Gazteak elkartzea. Kalamua elkartean.
  • 21:00 Haritz EDTren ekitaldia Borja Uzuriagaren oroimenez.
  • 22:30 Gazteen afaria
  • Ondoren, Fan&Go taldearekin erromeria.

 

1 ZAPATUA

  • 13:00 Ume jolasak.
  • Jarraian, umeen bazkaria.
  • Ondoren, umeentzako parkea.
  • 18:00 Bolo txapelketa
  • 21:00 Bertso afaria: Andoni Egaña eta Angel Mari Peñagarikano.
  • Ondoren, erromeria Mirari, Aintzane reta Lutxurdiorekin.

 

2 DOMEKA

  • 11:30 Meza.
  • Jarraian, Baltzola anaiak trikitilariak
  • 12:00 Artzain-txakur txapelketa.
  • 14:30 Bazkaria.
  • 17:00 Idi-demak.
  • Ondoren, Baltzola anaiak trikitilari