Bi lan egin dituzte ingurune horretan. Batetik, Gipuzkoako Urak-ek estolderia eta ur-sarea berritu du Toletxe etorbideko mutur batean, San Pedro kaleko 22-30 zenbakien inguruan, hain justu ere. Zahartuta gelditu ziren kanalizazioak eta materialak, burdina galbanizatua eta hormigoia, kendu dituzte eta horien ordez 104 metro lineal inguruko hodi berriak ipini dituzte. Kanalizazio berri bat eraiki dute, eta etxeko isuri beltzak gehitu dizkiote. Eroanbide berria San Pedro kaleko 1. zenbakiaren atzealdean dagoen ur beltzen sarearekin lotu dute. Sare berria fatxadaren oinetik abiatzen da, jatorritik isurketa-motaren arabera bereiziz.
Elgoibarko Udalak, bestalde, errepidea asfaltatu du, eta espaloia zabaldu du.
∞Lotura duten albisteak:
