Hirigintza

barren.eus-logoa

Tokikom

 

 
 

2023 02 07 obra hondakinak elgoibar maalaDebabarrena Eskualdeko Mankomunitateak eraikuntzan zein eraispenetan sortzen diren hondakinen kudeaketa kontratatzeko prozesua abiarazi du. 60.000 euroko aurrekontuarekin aterako da lizitaziora kontratua. 2022an, mota horretako 1.102 tona hondakin batu zituzten eskualdeko garbiguneetan.

Obra txikietan sortzen diren hondakinak garbiguneen batzen dituzte, doan. Obra-lizentzia aurkeztea eskatzen dute bakarrik, jarduera hori Debabarrenan egiten dela frogatzeko, eta ez beste eskualde batean. Batzen dituzten hondakinen artean badaude garbiak -adreiluak, hormigoia, baldosak, harriak eta zeramika- zein hondakin zikinak -igeltsuak, moldurak eta panelak-. Garbiguneetara bereizita bideratu behar dira eraikuntzarekin lotutako hondakin horiek, hondakin garbiak berriro ere erabili baitaitezke. Mankomunitateak gogorarazi nahi du hondakin mota horiek naturan (pisten ondoan, ibaiaren ondoan edo mendian) edo kaleko edo landa-eremuko edukiontzietan uztea arau-hauste larria dela, Mankomunitatearen zerbitzua arautzen duten ordenantzaren arabera. Ordenantza horren helburua ingurumena babestea eta hondakinak gaika biltzeko praktika arduratsuak sustatzea dela azaldu dute. Eta ohartarazi dute hondakin horiek garbiguneetatik kanpo lagatzeak 600 eta 1.750 euro arteko isuna dutela.

Aldiz, hondakin zikinak deiturikoak, besteak beste, igeltsuak, moldurak eta panelak ez dituzte garbiguneetan jasotzen, hondakin geldoen zabortegietara bideratu baizik, berrerabili ezin direla-eta.

Bada, orain, eraikuntzako eta eraispeneko hondakinak kudeatzeko kontratazioa abiarazi du Debabarreneko Mankomunitateak, 60.000 euroko lizitazio-aurrekontuarekin eta urtebeterako. Lehiaketara aurkeztu nahi duten enpresek 10 egun balioduneko epea izango dute, iragarkia kontratatzailearen profilean argitaratu eta hurrengo egunetik aurrera.

2023 02 07 obrak elgoibar maala

 

Elgoibarko Izarra

elgoibarkoizarra-logoa-irudia

 

Gida komertziala

Gida komertziala 2018

Bideoak

Barren astekaria

ePosta harpidetza