Ezbeharra izan da Basarten. A8 autobidean panelak jartzeko obretan lanean ari zen hondeamakina bat zubitik zintzilik gelditu da duela minutu gutxi IMHrako bidean, panelak jartzeko obrak babesteko aldamioa jarrita dagoen lekuan bertan. Une honetan errepide zati hori itxita dago ibilgailuentzako eta oinezkoentzako. Gehiago jakin ahala berrituko dugu albistea.
Joan zen astean beste ezbehar bat izan zen obra berean, orduko hartan Ermuaranbide kalean. Aldamio zati bat erori zen orduan, eta ordu batzutan itxita izan zuten errepidea, harik eta jausitako zatiak kendu zituzten arte.
∞Lotura duten albisteak:
- Zarataren aurkako pantailak abuztuaren amaierarako jarrita egongo direla aurreratu du Aintzane Oiarbide Bide Azpiegituretako diputatuak (2021-03-18)
- Hasita daude pantaila akustikoak jartzeko lanak (2021-01-22)
