2018an, zortzi proiektu bozkatzeko aukera eman zuen Elgoibarko Udalak, eta boto gehien jaso zuen bigarrena izan zen Urazandi eta Aizkorri lotzen dituen bidea berrurbanizatzea. 2019. urte hasieran hasi zituzten bide hori berrurbanizatu, egokitu eta bere onera ekartzeko lanak, eta, lanok amaitu ostean, aspalditik zegoen erabiltzeko moduan. Argiteria ipintzea falta zen ordea, eta oraintsu amaitu dituzte lan horiek, bidean hainbat farola ipiniz. Guztira 11 farola ditu oinezkoentzako bideak. Argiteria sistema hau ipintzeak 9.977 euroko kostua izan du Udalarenzat. Obratik kanpo gelditu zen bide zati bat berrurbanizatzeko asmoa ere baduela jakinarazi du Udalak.
374 elgoibartarrek Udalak proposatutako zortzi proiektuen artean euren lehentasunak adierazi zituzten 2018an, Internet bidez zein kalean jarri zituzten boto kutxetan botoak emanez. Udalak 200.000 euro bideratu zituen herritarrek lehenestutako lehen hiru proiektuak gauzatzeko. Dagoeneko egin dituzte horietako bi, Bernardo Ezenaro kalea eta Aizkorri eta Urazandi lotzen dituen oinezkoen pasealekua berrurbanizatzea, eta hirugarrena egiteko lanak azken txanpan sartuta daude, Bolatokiko parkea berrurbanizatzeko lanak, hain zuzen ere.
∞Lotura duten albisteak:
- Hasi dituzte Bolatokiko parkea eraberritzeko lanak (2019-09-20)
-
Urazandi eta Aizkorri arteko bidexka berrurbanizatzeko lanak hasi dituzte (2019-01-15)
- 18,2 milioi euroko aurrekontua izango du Elgoibarko Udalak 2019an, aurtengoa baino %3 handiagoa (2018-12-21)
-
Aurrekontu parte-hartzaileen prozesuan boto gehien jaso zuten hiru proiektuak gauzatuko ditu Udalak (2018-09-10)
- EHBilduren ustez Udalak abiatu duen partaidetza bidezko aurrekontuen proiektuak ez ditu gutxieneko baldintzak betetzen (2018-06-21)
- Elgoibarko Udalak 200.000 euro bideratuko ditu aurrekontu parte hartzaileetara (2018-06-20)